Fwd: Ons is uniek

Sent from my Samsung Galaxy smartphone.

-------- Original message --------

From: Boodskap vir Vandag <info@bybelmedia.org.za>

Date: 2020/01/25 19:50 (GMT+02:00)

To: Wildr Scheepers <wildre.scheepers@gmail.com>

Subject: Ons is uniek

Vertoon die e-pos nie korrek nie? Klik hier om die nuusbrief eerder op die internet te lees. Ons is uniek Hy het ons uit die mag van die duisternis weggeruk en ons onder die heerskappy gestel van sy Seun wat Hy liefhet (Kol 1:13). Die belydenis dat ons glo in die gemeenskap van die heiliges is eers redelik laat (ongeveer 350-400 nC) in die geloofsbelydenis opgeneem. Die aanvanklike bedoeling daarmee is nie sonder meer duidelik nie. Sommige meen dit is bloot 'n uitbreiding of beklemtoning van die voorafgaande belydenis oor die kerk. Maar dit is reeds 'n winspunt! Want hier word weer gepraat oor heiligheid of heiligmaking. Daaroor raak 'n mens nie maklik uitgepraat nie. En tog het hierdie belydenis sy eie klem, wat die geloofsbelydenis oneindig verryk en verdiep … Die belangrikste is die feit dat die gemeenskap van die heiliges anders is as enige ander gemeenskap. Ons is uniek! Ons is deel van die gemeenskap, nie kragtens ons wilsbesluite of voorkeure nie, maar kragtens God se genade. "Hy het ons uit die mag van die duisternis weggeruk en ons onder die heerskappy gestel van sy Seun wat Hy liefhet" (Kol 1:13). Menslike gemeenskappe sal ons dalk faal. Wie hulle vertroue stel in familie, vriende of klubs sal dalk ontnugter word. Maar hier, in die gemeenskap van die heiliges, is ons by God se mense, is ons by God self. Hier kom ons tuis … Hier, in die gemeenskap van die heiliges, kom ek tuis. Vader, by u mense is ek so geborge soos 'n kind in 'n gelukkige gesin, want U is die Vader. Amen. Johan Cilliers Johan Cilliers is verbonde aan die Kweekskool van die Universiteit Stellenbosch. Sy vakgebied is Homiletiek en Liturgie. Johan is die skrywer van talle akademiese publikasies en artikels asook populêre godsdienstige boeke. Vanjaar se dagstukke vir Boodskap vir Vandag kom uit Johan se jaardagboek Die dag is vol genade. Boodskap vir Vandag word finansieel moontlik gemaak deur die goedgunstige donateurs van Bybel-Media wat daarin glo dat die Woord van die Here deur verskillende mediums versprei moet word. Dit bereik daagliks meer as 6 800 lesers. Besoek gerus Bybel-Media se webblad by www.bybelmedia.co.za. Tensy anders vermeld, is die Bybelteks wat in hierdie boodskap aangehaal word, geneem uit die 1983-vertaling met herformulerings van die Bybel in Afrikaans. Kopiereg © 1983, 1990 Bybelgenootskap van Suid-Afrika. Met toestemming.   Om jou intekening te kanselleer, klik hier. Bybel-Media Ferguson-gebou 69 Kerkstraat Wellington 7654